බිබිල – බදුල්ල ප්රධාන මාර්ගයේ යල්කුඹුර ප්රදේශයේදී අද (26) පස්වරුවේ සිදුවූ දරුණු රිය අනතුරකින් පුද්ගලයන් 20 දෙනෙකු පමණ තුවාල ලබා තිබේ. බස් රථ දෙකක් සහ ලොරි රථයක් එකිනෙක ගැටීමෙන් මෙම බිහිසුණු අනතුර සිදුව ඇති බව වාර්තා වේ.
අනතුර සිදුවූ අවස්ථාවේදී ප්රදේශවාසීන් සහ පොලිසිය එක්ව තුවාලකරුවන් කඩිනමින් බිබිල මූලික රෝහල වෙත ඇතුළත් කිරීමට පියවර ගෙන ඇත. වාහන තුනක් එකිනෙක ගැටීමෙන් මාර්ගයේ ගමනාගමන කටයුතුවලට ද දැඩි බාධා එල්ල වී ඇති අතර, අනතුරට හේතුව අධික වේගයද නැතහොත් කාර්මික දෝෂයක්ද යන්න පිළිබඳව පොලිසිය වැඩිදුර විමර්ශන පවත්වයි.
