දූෂණ චෝදනාවක් සම්බන්ධයෙන් හිටපු අමාත්ය කෙහෙළිය රඹුක්වැල්ල ඇතුළු විත්තිකරුවන් තිදෙනෙකුට එරෙහිව අල්ලස් කොමිසම විසින් ගොනු කර ඇති නඩුවක් වැඩිදුර විභාගය සඳහා ලබන දෙසැම්බර් මස 09 වැනිදා කැඳවන ලෙස කොළඹ මහාධිකරණය අද (28) නියෝග කළේය.
මෙම නඩුව අද දින කොළඹ මහාධිකරණ විනිසුරු මොහොමඩ් මිහාල් මහතා ඉදිරියේ කැඳවනු ලැබූ අවස්ථාවේදී, අල්ලස් කොමිසම වෙනුවෙන් පෙනී සිටි අතිරේක සොලිසිටර් ජෙනරාල් අසාද් නවාවිගේ මෙහෙයවීම යටතේ සාක්ෂි සටහන් කර ගැනීම සිදු කර ඇත. සාක්ෂි සටහන් කර ගැනීමෙන් අනතුරුව වැඩිදුර විභාගය සඳහා නඩුව දෙසැම්බර් මස 09 වැනිදා දක්වා කල් තැබීමට විනිසුරුවරයා නියෝග කළ බව වාර්තා වේ.
මෙම නඩුව, එවක ජනමාධ්ය අමාත්යවරයා වශයෙන් කටයුතු කළ කෙහෙළිය රඹුක්වැල්ල, ශ්රී ලංකා රූපවාහිනී සංස්ථාවේ හිටපු සභාපති විමල් රූබසිංහ සහ එහි හිටපු අධ්යක්ෂ ජෙනරාල් චන්ද්රපාල ලියනගේ යන අයට එරෙහිව අල්ලස් කොමිසම විසින් ඉකුත් යහපාලන රජය සමයේ ගොනු කරන ලද්දකි.
විත්තිකරුවන්ට එරෙහි චෝදනාව වන්නේ, 2015 වසරේ ජනාධිපතිවරණය පැවති සමයේ දේශපාලන ක්රියාකාරකම් සඳහා ශ්රී ලංකා රූපවාහිනී සංස්ථාවට අයත් රුපියල් 990,000/- මුදලක් වැය කර GI යකඩ බට 600 ක් මිලදී ගැනීම තුළින් රජයට පාඩුවක් සිදු කර “දූෂණය” නැමැති වරද සිදු කිරීමය.
අදාළ දූෂණ චෝදනාව සම්බන්ධ නඩු විභාගය ඉදිරියට ගෙන යාම සඳහා කොළඹ මහාධිකරණය විසින් දෙසැම්බර් 09 වැනිදා දිනය නියම කර ඇත.
