අද (27) සිට දින 3ක් පුරා දිස්ත්රික්ක 8ක මදුරු මර්දන විශේෂ වැඩසටහනක් ක්රියාත්මක කිරීමට නියමිතය.
කොළඹ, ගම්පහ, කළුතර, රත්නපුර, මඩකලපුව, ත්රිකුණාමලය, මාතලේ සහ මාතර යන දිස්ත්රික්කවල මදුරු ඝනත්වය ඉහළ මට්ටමක පවතින බැවින් මෙම මදුරු මර්දන වැඩසටහන ක්රියාත්මක කෙරේ.
අඛණ්ඩව ඇද හැලෙන වර්ෂාව හේතුවෙන් ඩෙංගු රෝගය නැවත පැතිරීමේ හැකියාවක් පවතින බව ජාතික ඩෙංගු මර්දන ඒකකය ද සඳහන් කර ඇත.
එම අවදානම් තත්ත්වය සැලකිල්ලට ගනිමින්, විශේෂ මදුරු මර්දන වැඩසටහන 29 වන දින දක්වා ක්රියාත්මක කරන බව ජාතික ඩෙංගු මර්දන ඒකකය තවදුරටත් ප්රකාශ කළේය.
වැඩසටහන අතරතුර නිවාස, පාසල්, සේවා ස්ථාන, කර්මාන්තශාලා, ආගමික ස්ථාන සහ පොදු ස්ථාන පරීක්ෂා කළ යුතුය.
මහජන සෞඛ්ය දෙපාර්තමේන්තු තම පරිශ්රයන්හි මදුරුවන් බෝවන ස්ථාන විනාශ කිරීමට ද නිවේදන නිකුත් කර ඇත.
මෙම වසර තුළ ඩෙංගු උණ රෝගීන් 11,000 කට වැඩි පිරිසක් වාර්තා වී ඇත.
