මෙරට අඩි පන්දහසකට වඩා උස් භූමිය ගොවිතැන් හෝ වෙනත් මිනිස් ක්රියාකාරකම් සඳහා යොදා ගත්තහොත් වසර තිහ හතළිහකට පසු ඇතිවන ව්යසනය කොතරම් බිහිසුණු දැයි කිව නොහැකි බව තම පක්ෂයේ නායක රෝහණ විජේවීර සහෝදරයා 1970දී පැවසූ බව ජාතික ජන බලවේගයේ (NPP) පාර්ලිමේන්තු මන්ත්රී නිමල් පලිහේන මහතා පවසයි.
ඒ මහතා වැඩිදුරටත් පැවසුවේ, විජේවීර මහතා එදා කී දේ අද රටක් ලෙස අත්විඳිමින් සිටින බවයි.
නාය යෑම්වලට හේතු:
1977 වසරෙන් පසුව විවෘත ආර්ථිකය යටතේ ඉදිකරන ලද ජලාශ පද්ධතිය මෙම නාය යෑම්වලට හේතුවන බව ඒ මහතා පෙන්වා දෙයි.
පරිසර පද්ධතියට නොගැලපෙන ඉදිකිරීම් සහ අනවශ්ය දේශපාලන මැදිහත්වීම් ඇතුළු කාරණා නිසා මේ විනාශය සිදුවූ බවට ඕනෑ තරම් සාක්ෂි ඇති බව ද මන්ත්රීවරයා පාර්ලිමේන්තුව අමතමින් කියා සිටියේය.
