මත්ද්රව්ය ජාවාරම් ඇතුළු නීති විරෝධී ක්රියා පිළිබඳ දැනුම් දීමට පොලිසිය 1997 යන කෙටි දුරකතන අංකය හඳුන්වා දී තිබෙන අතර පැය 24 පුරා විවෘතව පවතී. ඒ අනුව මෙම කෙටි දුරකතන අංකයට විෂ මත්ද්රව්ය, අපරාධ, මහා පරිමාණ දූෂණ ක්රියා, ජාතික ආරක්ෂාවට තර්ජනයක් විය හැකි ක්රියා, රජයේ වාහන හා දේපොළ අවභාවිතා කිරීම, සැඟවීම හෝ පැහැර ගැනීම සම්බන්ධව තොරතුරු දැනුම් දිය හැකියි.
එසේම පොලීසිය දැනුම් දෙන්නේ විදේශ සංචාරකයින්ට සිදු වන හිරිහැර, කරදර හෝ ආරක්ෂාවට බලපාන කරුණු, විශ්වවිද්යාල හා උසස් අධ්යාපන ආයතන තුළ ක්රියාත්මක නවක වද සිදුවීම්, පොලිස් නිලධාරීන් විසින් සිදු කරනු ලබන වංචා, අල්ලස් ලබා ගැනීම වැනි අකටයුතුකම් හා පරිසර වැරදි පිළිබඳ තොරතුරුද එම අංකයට දැනුම්දිය හැකි බවයි.
වැඩබලන පොලිස්පතිවරයා සියලුම නිලධාරීන්ට උපදෙස් ලබා දී ඇත්තේ, එම දුරකතන අංකයට ලැබෙන තොරතුරු පිළිබඳව පූර්ණ රහස්යභාවය ආරක්ෂා කිරීමට කටයුතු කරන ලෙසටයි
එහි ප්රධාන මෙහෙයුම් මැදිරිය, පොලිස් මූලස්ථානයට අනුයුක්තව විශේෂ කාර්යාංශ මූලස්ථානයේ ස්ථාපිත කර තිබේ.
පොලිසිය පැවසුවේ, උතුරු නැගෙනහිර ප්රදේශවල සිටින මහ ජනතාවට දමිළ බසින් “107” කෙටි දුරකතන අංකය ඔස්සේ තොරතුරු ලබා දිය හැකි බවයි.
