රජයේ නිලධාරීන්ට රාජකාරී වේලාවේ දී පෞද්ගලික සමාජ ජාලා ගිණුමක් හෝ වෙනත් ගිණුමක් භාවිතා කර කුමන හෝ දේශපාලන පක්ෂයක් හෝ අපේක්ෂකයෙකු ප්රවර්ධනයට හෝ අගතියට හේතුවන යම් ප්රචාරයක් හෝ ප්රකාශයක් සිදු කිරීම බරපතළ වරදක් බව මැතිවරණ කොමිසම පවසනවා.
එලෙස සිදු කරන පුද්ගලයන් වසර තුනක සිර දඩුවමකට යටත් කිරීමට හෝ රුපියල් ලක්ෂයකට නොවැඩි දඩයක් නියම කිරීමට හෝ මේ දඩුවම් දෙකටම යටත් කිරීමට හැකි බව මැතිවරණ කොමිසම නිකුත් කළ චක්රලේඛයේ සඳහන්.
මෙම චක්රලේඛය රාජ්ය සේවකයන්ට අමතරව රාජ්ය සංස්ථා හා ව්යවස්ථාපිත මණ්ඩල සේවක සේවිකාවන්ට අදාළ වනු ඇති.
එළඹෙන ජනාධිපතිවරණය ඉලක්ක කරගෙන මැතිවරණ කොමසාරිස් ජනරාල් සමන් ශ්රී රත්නායක මහතා විසින් මෙම චක්රලේඛය නිකුත් කර තිබෙනවා.
