තේ වගා කරන ගොවීන්ට පොහොර සහනාධාරය ලබා දීමේදී පවතින ගැටළු අවම කිරීමේ අරමුණින් QR කේත ක්රමයක් හඳුන්වා දීමට රජය තීරණය කර තිබේ. වැවිලි සහ ප්රජා යටිතල පහසුකම් පිළිබඳ අමාත්ය සමන්තා විද්යාරත්න මහතා අද (සැප්තැම්බර් 23) පාර්ලිමේන්තුවේදී මේ බව ප්රකාශ කළේය.
මෙම නව ක්රමවේදය සඳහා කැබිනට් අනුමැතිය ලැබී ඇති අතර, එහි පළමු අදියර මෙම මස 26 වැනිදා කළුතර දිස්ත්රික්කයේ මතුගම, ඉත්තෑපාන ප්රදේශයෙන් ආරම්භ කිරීමට නියමිතය.
නව ක්රමය යටතේ කුඩා තේ වතු හිමියන් සඳහා රුපියල් මිලියන 200ක තේ පොහොර සහනාධාරයක් QR කේතයක් මඟින් ලබා දීමට සැලසුම් කර ඇත. මෙමඟින් ගොවීන්ට රජයේ පොහොර සහනාධාරය මෙන්ම, පොහොර ලේකම් කාර්යාලයේ ලියාපදිංචි පොහොර සමාගම් කිහිපයකින්ම පොහොර ලබා ගැනීමේ හැකියාව ලැබෙන බව අමාත්යවරයා සඳහන් කළේය.
මෙම වසර සඳහා තේ පොහොර සහනාධාරය සඳහා රුපියල් මිලියන 2,000ක මුදලක් වෙන් කර ඇති බව ද අමාත්යවරයා වැඩිදුරටත් කියා සිටියේය.
