මහනුවර ‘සිරි දළදා වන්දනාව’ වෙනුවෙන් පැමිණෙන බැතිමතුන්ට අවශ්ය තොරතුරු එනම් දළදා වන්දනාව සම්බන්ධයෙන් නිකුත් කර ඇති නිවේදන, වැදගත් ස්ථාන, ආරක්ෂක නිවේදන, සනීපාරක්ෂක සේවා, වෛද්ය සේවා සම්බන්ධ තොරතුරු, පානීය ජලය ඇති ස්ථාන ආදී තොරතුරු ලබා ගැනීම සඳහා ශ්රී දළදා මාලිගාව විසින් නව වෙබ් අඩවියක් හඳුන්වා දී තිබෙනවා.
මේ සඳහා සිරි දළදා වන්දනාවට පැමිණෙන බැතිමතුන්ට https://info.sridaladamaligawa.lk/ යන වෙබ් අඩවියට පිවිසීමෙන් තොරතුරු ලබාගත හැකි අතර මේ සඳහා තාක්ෂණික දායකත්වය Bitzify ආයතනය විසින් ලබාදී තිබෙනවා.
මීට අමතරව මෙම වෙබ් අඩවියේ ඇති සුවිශේෂී අංග ලෙස සිරි දළදා වන්දනාවට සමගාමීව සංවිධානය කර ඇති දන්සල් පිළිබඳ තොරතුරු මෙන්ම අතරමං වූ පුද්ගලයින් සොයා ගැනීමට ගතයුතු පියවර සම්බන්ධයෙන් වන තොරතුරුද ඇතුළත් කර තිබෙනවා.
