නීතිඥවරයෙකුට පහර දුන්නේ යැයි කියන සිද්ධිය සම්බන්ධයෙන් රක්ෂිත බන්ධනාගාරගත කර සිටි පොලිස් කොස්තාපල්වරයා ඇප මත මුදා හැරීමට ගල්කිස්ස මහේස්ත්රාත් අධිකරණය අද (ඔක්තෝබර් 13) නියෝග කර තිබේ.
පොලිස් මාධ්ය ප්රකාශක සහකාර පොලිස් අධිකාරී එෆ්.යූ.කේ. වුට්ලර් මහතා මේ බව තහවුරු කළේය.
අධිකරණය විසින් අදාළ පොලිස් කොස්තාපල්වරයා රුපියල් ලක්ෂ දෙක බැගින් වූ ශරීර ඇප දෙකක් මත මුදා හැරීමට නියෝග කර ඇති බව පොලිස් මාධ්ය ප්රකාශකවරයා පැවසීය.
ගල්කිස්ස අධිකරණ භූමියේ නීතිඥවරයෙකුගේ මෝටර් රථයක් පිටතට ගැනීමේදී ඇති වූ බව කියන සිද්ධියක් සම්බන්ධයෙන් සැකකාර පොලිස් කොස්තාපල්වරයා ඔක්තෝබර් 11 වන දා ගල්කිස්ස පොලීසිය විසින් අත්අඩංගුවට ගෙන තිබිණි.
