මහනුවර ‘සිරි දළදා වන්දනාව’ වෙනුවෙන් පැමිණෙන බැතිමතුන්ගේ පහසුව සහ සජීවී තොරතුරු ලබාගැනීම සඳහා වෙබ් අඩවියක් හඳුන්වාදීමට ශ්රී ලංකා පොලීසියේ තොරතුරු තාක්ෂණ කොට්ඨාසය කටයුතු කර තිබෙනවා.
මෙම වෙබ් අඩවිය හරහා දළදා වන්දනාව සඳහා හඳුන්වා දී ඇති ප්රවේශ මාර්ග තුනෙහි ඇති පෝලිම්වල අවසන් ස්ථානය තිබෙන තැන සජීවීව බලා ගැනීමටත් වාහන නැවැත්විය හැකි ස්ථානවල ඇති ඉඩ පහසුකම් පිළිබඳ සජීවී යාවත්කාලීන කිරීම් ලබාගැනීමටත් මහනුවර නගරයේ ඉදිකර ඇති තාවකාලික වැසිකිලි පහසුකම් ඇති ස්ථාන සම්බන්ධයෙන් තොරතුරු ලබාගැනීමටත් හැකියාව පවතිනවා.
එමෙන්ම ශ්රී දළදා මැදුරේ තේවාවන් පැවැත්වෙන වේලාවන්, බැතිමතුන්ගේ පෞද්ගලික ආරක්ෂාව වෙනුවෙන් ගතයුතු පියවර, වන්දනා කාලය තුළ බැතිමතුන් විසින් අනුගමනය කළ යුතු උපදෙස් සහ දළදා වන්දනාව කළ හැකි කාල සීමාවන් පිළිබඳව තොරතුරුද මෙම වෙබ් අඩවිය හරහා ලබාගත හැකියි.
‘සිරි දළදා වන්දනාව’ සඳහා එකතුවන බැතිමතුන් හට daladadekma.police.lk වෙත පිවිසීමෙන් මෙම සියළු තොරතුරු ලබාගැනීමේ හැකියාව පවතිනවා.
