මේ දක්වා මේ වසර තුළ සහල් සම්බන්ධ වැටලීම් 3,000ක් පමණ සිදු කර ඇති බව පාරිභෝගික කටයුතු පිළිබඳ අධිකාරිය සදහන් කරයි.
එම අධිකාරිය පවසන්නේ, වැඩි මිලට සහල් අලෙවිය, තොග සඟවා තැබීම සහ පාරිභෝජනයට නුසුදුසු සහල් විකිණීම ආදී සිදුවීම් මෙම වැටලීම්වලට හේතු වී ඇති බවයි.
කෙසේ වෙතත්, වැඩි මිලට සහල් විකිණීම සම්බන්ධ වැටලීම් 1,000කට අධික ප්රමාණයක් වාර්තා වී ඇති අතර, මේ සම්බන්ධයෙන් පුද්ගලයින් 900කට අධික පිරිසක් හමුවේ නඩු පැවරීමටත් කටයුතු කර ඇත.
අධිකාරිය වැඩිදුරටත් සදහන් කළේ, සහල් අලෙවිය වැඩි මිලට සිදු කරන පුද්ගල ව්යාපාරිකයෙකු වරදකරු වූ විට, රු. ලක්ෂ 1 සිට රු. ලක්ෂ 5 දක්වා දඩ මුදලක් හෝ මාස 5ක සිර දඩුවමක් නියම කළ හැකි බවයි. එමෙන්ම, පෞද්ගලික සමාගමක් වරදකරු වුවහොත් රු. ලක්ෂ 5 සිට රු. ලක්ෂ 50 දක්වා දඩ මුදලක් නියම කිරීමටත් හැකියාව ඇත.
තවද, සහල් සැගවීමේ වරද සම්බන්ධයෙන් වරදකරු තීරණය වුවහොත්, දඩය හෝ සිර දඩුවම හෝ දෙකම නියම කිරීමටත්, අදාළ සහල් තොග රාජසන්තක කිරීමටත් හැකි බවද අධිකාරිය අවධාරණය කළාය.
අධිකාරිය වැඩිදුරටත් සඳහන් කළේ, දෙවන වරට සිදු කරන වරදකදී දඩ මුදල දෙගුණය කිරීමටත් වසරක සිර දඩුවමක් නියම කිරීමටත් පනත යටතේ අධිකරණයට හැකියාව තිබෙන බවයි.
