සහල් සහ පානීය ජල බෝතල් වැඩි මිලට අලෙවි කළ ව්යාපාරිකයින්ට එරෙහිව පාරිභෝගික කටයුතු අධිකාරිය (CAA) දැඩි නීතිමය පියවර ගෙන තිබේ.
- ජල බෝතල් වැඩිමිලට විකිණීම: රුපියල් 100ක පානීය ජල බෝතලයක් රුපියල් 400කට අලෙවි කළ බෙලිහුල්ඔය ආපන ශාලාවක හිමිකරුට එරෙහිව බලංගොඩ මහේස්ත්රාත් අධිකරණය රුපියල් මිලියනයක (1,000,000) දඩ මුදලක් නියම කළේය.
- සහල් වැඩිමිලට විකිණීම: සහල් වැඩි මිලට අලෙවි කළ කලගෙඩිහේනේ වෙළෙඳසැල් හතරකට අත්තනගල්ල මහේස්ත්රාත් අධිකරණය මගින් රුපියල් ලක්ෂ දෙක බැගින් (සමස්තය රු. 800,000) දඩ නියම කළේය.
- මේ අතර, පාරිභෝගික කටයුතු අධිකාරිය කොස්ගම ප්රදේශයේ සිදු කළ වැටලීමකදී ලේබල් ඉවත් කළ සැමන් ටින් 2,400 ක් සොයා ගෙන තිබේ.
- එම තොගයේ වෙළෙඳපොළ වටිනාකම රුපියල් ලක්ෂ 16ක් (1,600,000) වන අතර, අදාළ ව්යාපාරිකයාට එරෙහිව නීතිමය ක්රියාමාර්ග ගැනීමට නියමිත බව CAA සඳහන් කළේය.
