දිට්වා සුළි කුණාටුව සමඟ මෙරටට බලපෑ දරුණු ආපදා තත්ත්වය හේතුවෙන් ස්වාභාවික පරිසර පද්ධතියට සිදු වී ඇති හානිය නිශ්චිතව තක්සේරු කිරීම සඳහා විශේෂ කමිටුවක් පත් කිරීමට රජය පියවර ගෙන තිබේ. පරිසර අමාත්ය වෛද්ය ධම්මික පටබැඳි මහතා සඳහන් කළේ මෙම විමර්ශන කටයුතු සඳහා ක්ෂේත්රයේ ප්රවීණයන් නව දෙනෙකුගෙන් සමන්විත කණ්ඩායමක් අනුයුක්ත කර ඇති බවයි.
මෙම කමිටුවේ ප්රධාන වගකීම වන්නේ පසුගිය දිනවල පැවති අධික වර්ෂාව, ගංවතුර සහ සුළි කුණාටු තත්ත්වය හේතුවෙන් වනාන්තර, වෙරළ තීරයන් සහ අනෙකුත් සංවේදී පරිසර පද්ධතිවලට සිදුව ඇති බලපෑම පිළිබඳව පුළුල් අධ්යයනයක් සිදු කිරීමයි. පවතින තත්ත්වය හමුවේ පරිසරයට සිදු වූ සමස්ත හානිය විද්යාත්මකව තක්සේරු කිරීම මෙහි මූලික අරමුණ වී තිබේ.
අදාළ විමර්ශන කටයුතු කඩිනමින් අවසන් කර සති දෙකක් වැනි කෙටි කාලයක් ඇතුළත සම්පූර්ණ වාර්තාවක් තමන් වෙත ලබා දෙන ලෙස අමාත්යවරයා කමිටුවට උපදෙස් දී ඇත. එම වාර්තාවේ නිර්දේශ පදනම් කර ගනිමින් විනාශ වූ පරිසර පද්ධති යළි ප්රතිස්ථාපනය කිරීමට අවශ්ය ඉදිරි ක්රියාමාර්ග ගැනීමට පරිසර අමාත්යාංශය බලාපොරොත්තු වේ.
