වාණිජ පුපුරණ ද්රව්ය තොගයක් ළඟ තබාගෙන සිටි සැකකරුවන් දෙදෙනෙකු පදවිය පොලිස් ස්ථානය විසින් අත්අඩංගුවට ගෙන තිබෙනවා.
පදවිය පොලිස් ස්ථානයේ නිලධාරීන් කණ්ඩායමකට ලද තොරතුරක් මත ඊයේ (27) සවස පදවිය පොලිස් වසමේ 01 කණුව ප්රදේශයේ මෝටර් රථ පරීක්ෂාවක් සිදු කර ඇත. පරීක්ෂා කිරීමේදී බලපත්ර නොමැතිව ප්රවාහනය කරමින් තිබූ පුපුරණ ද්රව්ය තොගයක් සොයා ගැනීමට නිලධාරීන් සමත් විය.
සොයා ගත් භාණ්ඩ අතර වෙඩි බෙහෙත් කිලෝග්රෑම් 75ක්, ජෙලිග්නයිට් කූරු 90ක්, ඩෙටනේටර් 300ක් සහ පිපිරුම් ලණු 05ක් තිබේ.
අත්අඩංගුවට ගත් සැකකරුවන් අවුරුදු 28 සහ 30 වයස්වල පසුවන හිදෝගම සහ මාපලඩිකුලම ප්රදේශවල පදිංචිකරුවන් වේ.
