කොටස් එකලස් කර තනන ලද සැකකටයුතු ජීප් රථයක් සම්බන්ධයෙන් පොලිසිය විසින් සොයමින් සිටි පාර්ලිමේන්තු මන්ත්රී රෝහිත අබේගුණවර්ධන මහතාගේ දියණිය අද පෙරවරුවේ පානදුර වලාන මධ්යම දූෂණ මර්දන ප්රහාරක ඒකකය වෙත පැමිණ භාර වූ බව එම ඒකකයේ අධ්යක්ෂ, පොලිස් අධිකාරී උදය කුමාර මහතා පැවසීය. ඇය නීතිඥවරයකු මාර්ගයෙන් භාර වී තිබේ.
මෙම සිද්ධියට සම්බන්ධ සැක කටයුතු ජීප් රථය පසුගිය 20 වන දින පදවාගෙන යමින් සිටියදී පාර්ලිමේන්තු මන්ත්රී ජගත් විතානගේ මහතාගේ පුත්රයා අත්අඩංගුවට ගෙන භාරයට පත්කර පසුව ඇප මත මුදා හැර තිබිණි.
එමෙන්ම, මෙම සැකකටයුතු ජීප් රථය සම්බන්ධයෙන් පාර්ලිමේන්තු මන්ත්රී රෝහිත අබේගුණවර්ධන මහතාගේ බෑනාද අත්අඩංගුවට ගෙන ඇති අතර, ඔහු ලබන අගෝස්තු 01 වන දින දක්වා රක්ෂිත බන්ධනාගාර ගත කර ඇත. මෙම සිද්ධිය සම්බන්ධයෙන් වැඩිදුර පරීක්ෂණ ක්රියාත්මකයි.
