මෙරට මත්ස්යයන් අපනයන කරන ප්රමුඛ පෙළේ මත්ස්ය සැකසුම් මධ්යස්ථාන ඇතුළු මධ්යස්ථාන 15ක් පමණ ගංවතුරට හසු වී බරපතළ ලෙස විනාශ වී ඇතැයි ධීවර හා ජලජ සම්පත් අමාත්යාංශය පවසයි.
ධීවර හා ජලජ සම්පත් නියෝජ්ය ඇමති රත්න ගමගේ මහතා පසුගිය දිනවල සීදුව ප්රදේශයේ පිහිටි ‘නිවා මධු නදි’ සහ ‘බ්ලූ ලයින් ඕසන්’ ඇතුළු මත්ස්ය සැකසුම් මධ්යස්ථාන කිහිපයක්ම පරීක්ෂාවට ලක් කර තිබේ.
එහිදී ආයතන හිමිකරුවන් පවසා ඇත්තේ, විදුලි බිඳවැටීම් නිසා ශීතාගාර අක්රිය වී ඇති බවයි. ඊට අමතරව, මත්ස්ය සැකසුම් මධ්යස්ථාන අඩි 5ක්-6ක් පමණ ගංවතුරෙන් යටවී යාම නිසා බරපතළ විනාශයක් සිදුව ඇති බව ද ඔවුන් සඳහන් කර තිබේ.
යුරෝපා සංගමයට අයත් රටවල්වලට මත්ස්යයන් අපනයන කරන මෙම ආයතන මෙරටට විශාල විදේශ විනිමය ප්රමාණයක් ගෙන එන බැවින්, හැකි ඉක්මනින් ශීතාගාරවලට අවශ්ය විදුලිබල සැපයුම ලබා දෙන ලෙස නියෝජ්ය ඇමතිවරයා විදුලිබල මණ්ඩලයට හා ලෙකෝ සමාගමේ ඉහළ නිලධාරීන්ට ඒ මොහොතේම දැනුම් දී ඇතැයි ද අමාත්යංශය වැඩිදුරටත් සඳහන් කරයි.
