සීගිරියේ සිංහ පාදයේ සිට පර්වතය මුදුන දක්වා ද්විත්ව පඩිපෙල් මාර්ගයක් ඉදිකිරීමට මධ්යම සංස්කෘතික අරමුදල සැලසුම් කර ඇති බව වාර්තා වේ.
දැනට සිංහ පාදයේ සිට පර්වතය මුදුන දක්වා ඇත්තේ එක් මාර්ගයක් පමණක් වන අතර, සංචාරකයන් විශාල වශයෙන් සීගිරිය නැරඹීමට පැමිණෙන අවස්ථාවලදී එම මාර්ගයේ දැඩි තදබදයක් ඇතිවීම මෙම ද්විත්ව මාර්ගය ඉදිකිරීමට හේතුව වී තිබේ.
මධ්යම සංස්කෘතික අරමුදලේ සීගිරිය ව්යාපෘති කළමනාකරු එච්.ඒ.සී. ගයාන් මහතා සඳහන් කළේ සති අන්තයේදී දේශීය සංචාරකයන් 6,000 ත් 8,000 ත් අතර සංඛ්යාවක් සීගිරිය නැරඹීමට පැමිණෙන බවයි. එසේම විදෙස් සංචාරකයන් 3,000 ක් පමණද පැමිණෙන බව ඔහු වැඩිදුරටත් කියා සිටියේය. වෙසක්, පොසොන් වැනි විශේෂ කාලවලදී මෙම සංඛ්යාව 15,000 ක් පමණ දක්වා ඉහළ යන බවද ඔහු පවසයි.
මෙම ද්විත්ව පඩිපෙළෙහි ඉදිකිරීම් කටයුතු භූ විද්යා සමීක්ෂණ හා පතල් කාර්යාංශයට භාරදීමට නියමිත බව වාර්තා වේ.
