උපරිම මිල නියම කර ඇති ඖෂධ එම මිල ගණන්වලටම අලෙවි කරන්නේදැයි සොයා බැලීම සඳහා විමර්ශන ආරම්භ කරන බව ජාතික ඖෂධ නියාමන අධිකාරිය (NMRA) පවසයි.
උපරිම මිල නියම කළ ඖෂධ ලැයිස්තුව මේ වන විට WWW.NMRA.GOV.LK වෙබ් අඩවියේ ප්රදර්ශනය කර ඇති බව අධිකාරිය සඳහන් කළේය.
එම මිල ගණන් ඉක්මවා ඖෂධ අලෙවි කරන්නේ නම් ඒ සම්බන්ධයෙන් වෙබ් අඩවිය හරහා පැමිණිලි කිරීමට පාරිභෝගිකයන්ට හැකියාව ඇති බව ද අධිකාරිය ප්රකාශ කරයි.
ඖෂධ වර්ග 350කට උපරිම මිල නියම කිරීමට ජාතික ඖෂධ නියාමන අධිකාරිය පසුගියදා පියවර ගත් අතර, එම මිල නියම කිරීමත් සමඟ ඇතැම් ඖෂධ වර්ගවල මිල ගණන් සියයට 40ක උපරිමයකට යටත්ව අඩු කෙරුණි.
