TikTok සමාජ මාධ්ය යෙදවුමේ ඉහළ යන ගෝලීය ජනප්රියතාවය හේතුවෙන් එහි මව් සමාගම වන ByteDance හි සම-නිර්මාතෘවරයා වන Zhang Yiming මේ වනවිට චීනයේ සිටින ධනවත්ම පුද්ගලයා බවට පත්ව තිබේ.
Hurun පර්යේෂණ ආයතනය විසින් නිකුත් කරන ලද චීන ධනවතුන්ගේ ලැයිස්තුවකට අනුව, Zhang Yiming සතු වත්කම අමෙරිකානු ඩොලර් බිලියන 49.3 (පවුම් බිලියන 38) කි.
එය ඔහුගේ 2023 වසරේ වත්කම් ප්රමාණයට සාපේක්ෂව 43% ක් ඉහළ යෑමක් බව පැවසේ.
41 හැවිරිදි Zhang Yiming 2021 වසරේදී සමාගමේ භාරකාර භූමිකාවෙන් ඉවත් වූ නමුත් සමාගමේ කොටස්වලින් 20% ක පමණ හිමිකාරීත්වය පවත්වාගෙන යයි.
TikTok සමාජ මාධ්ය සහ චීන රජය අතර ඇති සබඳතා පිළිබඳව ලොව රටවල් රැසක් දැඩි අවධානය සහ කනස්සල්ල පළකර තිබියදීත් එය ලොව වඩාත්ම ජනප්රිය සමාජ මාධ්ය යෙදුම්වලින් එකක් බවට පත්ව ඇත.
කෙසේවෙතත් TikTok මෙන්ම ByteDance යන සමාගම් දෙකම පවසන්නේ ඔවුන් චීන රජයෙන් වෙන්ව ස්වාධීනව කටයුතු කරන බවයි.
ByteDance සිය හිමිකාරීත්වය වෙනත් පාර්ශවයකට අලෙවි නොකළහොත්, 2025 ජනවාරි මාසයේදී රට තුළ TikTok තහනම් කරන බවට අමෙරිකාව මේවනවිටත් පවසා තිබේ.
බ්රිතාන්ය තුළ ද TikTok එවැනි දැඩි පීඩනයට මුහුණ දී තිබියදීත් මව් සමාගම වන ByteDance හි ගෝලීය ලාභය පසුගිය වසරේ 60% කින් වැඩිවිය
