මුලතිව් දිස්ත්රික්කයේ ඔඩ්ඩුසුඩාන්හි සමථ මණ්ඩලයක් විසින් එළුවෙකු සපා කෑ බල්ලකු එල්ලා මැරීමට තීන්දුවක් නිකුත් කර ඇති බව සත්ව සුභසාධන සන්ධානය (AWC) අනාවරණය කරයි.
AWC විධායක කමිටු සාමාජික වෛද්ය චමිත් නානායක්කාර ‘ඩේලි මිරර්’ වෙත පවසා ඇත්තේ, සිද්ධිය පිළිබඳව අධිකරණ අමාත්ය හර්ෂණ නානායක්කාරට ලිපියක් යවා ඇති බවයි.
ලිපියට අනුව, සිද්ධිය සෙනසුරාදා (25) වාර්තාවී තිබේ.
කණ්ඩායම් දෙක අතර ගැටුමට විසඳුමක් ලෙස ඔඩ්ඩුසුඩාන්හි සමථ මණ්ඩලය විසින් සුනඛයා එල්ලා මැරීමට නියෝගයක් නිකුත් කර ඇති බව වාර්තා වේ.
විස්තරයට අනුව, එක් පවුලකට අයත් බල්ලකු තවත් පවුලකට අයත් එළුවෙකු සපාකෑමෙන් පවුල් දෙක අතර ආරවුලක් ඇතිව තිබේ.
මෙම නඩුව සමථ මණ්ඩලයට ඉදිරිපත් කරන ලද අතර, එහිදී මැදිහත්කරුවන් තිදෙනෙකු බල්ලා එල්ලා මැරීමට තීරණය කළ බව කියන අතර, බල්ලා හිමි පවුලට එම ක්රියාව පිළිබඳ ඡායාරූප සාක්ෂි ලබාදෙන ලෙස උපදෙස්දී ඇත.
වෛද්ය චමිත් නානායක්කාර පවසන්නේ, නියෝගය ලද පවුල මෙම නියෝගය මත ක්රියා කළ බවත්, බල්ලා එල්ලා මැරීමේ අමානුෂික ක්රියාව සිදුකළ බවත්ය.
මෙම සිදුවීම සමාජ මාධ්යවල පුළුල් ලෙස සංසරණය වී ඇත.
එවැනි නියෝගයක් නිකුත් කිරීම සදාචාරාත්මක හා නීතිමය මූලධර්ම දෙකම උල්ලංඝනය කිරීමක් බව AWC විශ්වාස කරයි.
