මෙම වසරේ අයි. පී. එල්. ක්රිකට් තරගාවලියේ දිල්ලි කැපිටල්ස් කණ්ඩායම නියෝජනය කිරීම සඳහා ආදේශක ක්රීඩකයෙකු ලෙස හිටපු ශ්රී ලංකා සීමිත පන්දුවාර නායක දසුන් ශානක එක්කරගෙන ඇති බව වාර්තා වේ.
මේ පිළිබඳව නිල නිවේදනයක් නිකුත් වී නොමැති වුවද මෙම පුවත කරළියට ඒමට ප්රධානතම හේතුව වී ඇත්තේ පසුගිය දිනෙක පැවැති ආශිර්වාද පූජාවකට දසුන් එක්ව සිටින අයුරු දැක්වෙන සේයාරුවක් සමාජ මාධ්යයේ සංසරණය වීමයි.
ක්රීඩක වෙන්දේසියේදී අවස්ථාව නොලද ඔහුට මෙම අවස්ථාව හිමිව ඇත්තේ, එංගලන්ත ක්රීඩක හැරී බෲක් මෙවර තරගාවලියට සහභාගී නොවීම හේතුවෙනි. පසුගිය අයි. එල්. ටී20 තරගාවලියේ ඩුබායි කැපිටල් පිලේ ප්රබල සාමාජිකයෙකු වූ දසුන් එම තරගාවලියේදී සිය කණ්ඩායම වෙනුවෙන් ඉහළ දායකත්වයක් ලබාදුන් ක්රීඩකයෙකි. මෙම තරගාවලිය සඳහා දසුන් එක්කර ගැනීමට එය හේතුවක් වන්නට ඇතැයි ද විදෙස් මාධ්ය වාර්තා කරයි.
