“ජයතිස්ස ඇමතිවරයත් දේශපාලනය පැත්තකින් දාලා වෘත්තිමය වශයෙන් මේ ගැටලුව විසඳන්න මැදිහත් විය යුතුයි. ඒ වගේම ඔහු සහ අප අතර තියන සාකච්ඡාවල සුභවාදී තත්ත්වයන් ආරක්ෂා කර ගනිමින් මාධ්යයට ප්රකාශ නිකුත් කිරීමටත් ජයතිස්ස ඇමතිවරයා වගකිය යුතු වෙනවා. ජයතිස්ස ඇමතිවරයාගේ පහළින් ඉන්න දේශපාලන කාඩර්වරුන් වෘත්තීය සමිතියි වලට එරෙහිව සිදුකරමින් තිබෙන කුමන්ත්රණ වහාම හකුලා ගත යුතුු වෙනවා.
සාකච්ඡාව අසාර්ථක වුණොත් දහ අටවෙනිදා උදේ අටට තීරණය කරගත් පරිදිම සංකේත වර්ජන ක්රියාමාර්ගය ආරම්භ වෙනවා.
එය අනුව දිවයිනේ සියලුම රෝහල්වලින් පරිපූරක වෛද්ය වෘත්තිකයන් සහ අතුරු වෛද්ය වෘත්තිකයන් පැය විසි හතරක සංකේත වර්ජනයකට එක්වීමට නියමිත වෙනවා. මෙම වර්ජන කාලය අතරතුරු හදිසි සහ අත්යවශ්ය සේවාවන් පවත්වා ගන්නා අතර, ළමා රෝහල් පිළිකා රෝහල් මාතෘ රෝහල් වකුගඩු රෝහල්හි වර්ජනය ක්රියාත්මක වන්නේ නැත. මානසික සෞඛ්ය විද්යායතනයේද සම්පූර්ණ සේවාව පවත්වා ගැනීමට තීරණය කොට තිබෙනවා.
වෘත්තීය සමිති විස්සකට ආසන්න ප්රමාණයක් මෙම ක්රියාමාර්ගය සඳහා ඒකමතිකව එකඟ වී තිබෙනවා.”
