රට පුරා පිහිටි බන්ධනාගාර වෙත අපරාධ පරීක්ෂණ දෙපාර්තමේන්තු (CID) කණ්ඩායම් යොමු කර ඇති බවට ආන්දෝලනාත්මක පුවතක් වාර්තා වේ. මෙම මෙහෙයුමේ ප්රධාන අරමුණ වන්නේ, බන්ධනාගාරවල ලේඛන පරීක්ෂා කිරීමයි.
විශේෂයෙන්ම, ජනාධිපති සමාව සහ පොදු සමාව යටතේ රැඳවියන් නිදහස් කිරීම සහ එලෙස නිදහස් නොකෙරූ රැඳවියන් සම්බන්ධයෙන් වන සියලු ලේඛන මෙහිදී දැඩි පරීක්ෂාවකට ලක් කිරීමට නියමිත බව සඳහන් වේ. මෙම පියවර, පසුගියදා ජනාධිපති සමාව අවභාවිතා කරමින් රැඳවියෙකු නිදහස් කිරීම සම්බන්ධයෙන් මතුවූ ආන්දෝලනයත් සමඟ සිදුවීම කැපී පෙනේ.
මෙම CID මෙහෙයුම මගින් බන්ධනාගාර පද්ධතියේ පවතින අක්රමිකතා සහ දූෂණ පිළිබඳව තොරතුරු අනාවරණය කර ගැනීමට අපේක්ෂා කෙරේ.
