මන්නාරම – මැදවච්චිය ප්රධාන මාර්ගයේ කිලෝමීටර් 35 කණුව සහ කිලෝමීටර් 36 කණුව අතර ප්රදේශයේදී සිදුවූ බස් රථ අනතුරකින් එක් පුද්ගලයෙක් මිය ගොස් තවත් පුද්ගලයින් 10 දෙනෙකු තුවාල ලබා රෝහල් ගත කර තිබේ.
අද (ඔක්තෝබර් 22) අලුයම මෙම අනතුර සිදුව ඇති බව පොලීසිය පවසයි. කොළඹ දෙස සිට මන්නාරම දෙසට ධාවනය වෙමින් තිබූ පුද්ගලික බස් රථයක් රියදුරුට රථය පාලනය කර ගැනීමට නොහැකිව මාර්ගයේ අයිනෙහි තිබූ ගසක ගැටීමෙන් මෙම අනතුර සිදුව ඇත.
අනතුරින් මියගොස් ඇත්තේ, ආසිකුලම්, මුරුන්කන් ප්රදේශයේ පදිංචිව සිටි 29 හැවිරිදි පුද්ගලයෙකි.
මෙම අනතුරින් තුවාල ලැබූ තවත් පිරිමි පුද්ගලයින් 08 දෙනෙකු හා කාන්තාවන් දෙදෙනෙකු මන්නාරම් සහ වව්නියාව රෝහල්වල ප්රතිකාර ලබමින් සිටින බව පොලීසිය සඳහන් කරයි. මෘත ශරීරය සෙට්ටිකුලම රෝහලේ මෘත ශරීරාගාරයේ තැන්පත් කර ඇති අතර, අනතුරට සම්බන්ධ බස් රථයේ රියදුරුද තුවාල ලබා ප්රතිකාර ලබමින් සිටී.
සිද්ධිය සම්බන්ධයෙන් පරයනාලන්කුලම් පොලීසිය වැඩිදුර විමර්ශන සිදු කරනු ලබයි.
