2025 කාන්තා ලෝක කුසලාන එක්දින ක්රිකට් තරගාවලියේ ශ්රී ලංකාව සහ එංගලන්තය අතර තරගය කොළඹ ආර්. ප්රේමදාස ක්රීඩාංගණයේදී අද (11) පැවැත්වේ. තරගයේ කාසියේ වාසිය දිනාගත් ශ්රී ලංකා කණ්ඩායම පළමුව පන්දු රැකීමට තීරණය කර තිබේ. මෙම තරගය පස්වරු 3ට ආරම්භ වීමට නියමිතය.
තරගාවලියේ 12 වන තරගය වන මෙය, කණ්ඩායම් දෙකම සහභාගී වන තුන්වන තරගයයි.
ශ්රී ලංකා කණ්ඩායමේ ප්රධාන පුහුණුකරු රුමේෂ් රත්නායක මහතා ප්රකාශ කර ඇත්තේ, ප්රතිවාදී කණ්ඩායම පිළිබඳ නිසි අධ්යයනයක් සිදුකරමින් අද තරගයට මුහුණ දීමට කණ්ඩායම හොඳ සූදානමකින් පසුවන බවයි.
ලෝක කුසලාන ලකුණු සටහනේ එංගලන්තය දැනට 2 වන ස්ථානයේ රැඳී සිටින අතර ශ්රී ලංකාවට හිමිව ඇත්තේ 7 වන ස්ථානයයි. දෙරට අතර මේ දක්වා පවත්වා ඇති එක්දින ජාත්යන්තර තරග 18න්, තරග 17ක් ජයගෙන ඇත්තේ එංගලන්තය වන අතර ශ්රී ලංකාව එක් තරගයක් පමණක් ජයගෙන තිබේ. එංගලන්ත කාන්තා කණ්ඩායම අවස්ථා 4කදී එක්දින ක්රිකට් ලෝක කුසලානය දිනා ඇති කණ්ඩායමකි.
