අල්ලස් හෝ දූෂණ චෝදනා විමර්ශන කොමිෂන් සභාව විසින් සිදුකරන විමර්ශනයකට අදාළව අපරාධ පරීක්ෂණ දෙපාර්තමේන්තුවේ හිටපු අධ්යක්ෂ, විශ්රාමික නියෝජ්ය පොලිස්පති රොහාන් ප්රේමරත්න මහතා මේ අවස්ථාවේදී අත්අඩංගුවට ගැනීමේ අවශ්යතාවක් නොමැති බව අල්ලස් කොමිසම අද (ජූලි 22) කොළඹ මහෙස්ත්රාත් අධිකරණයට දැනුම් දුන්නේය.
මෙම දැනුම්දීම සිදුකරන ලද්දේ, අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා රොහාන් ප්රේමරත්න මහතා විසින් ඉදිරිපත් කළ අපේක්ෂිත ඇප පෙත්සමක් අද කැඳවූ අවස්ථාවේදී, අල්ලස් කොමිසම වෙනුවෙන් පෙනී සිටි නිලධාරියා විසිනි.
ඒ අනුව, මහෙස්ත්රාත්වරයා පෙත්සම්කාර ප්රේමරත්න මහතාගේ නීතිඥවරයාට දැනුම් දුන්නේ, හිටපු නියෝජ්ය පොලිස්පතිවරයාට අල්ලස් කොමිසම හමුවට ගොස් ප්රකාශයක් ලබාදීමට කටයුතු කරන ලෙසයි.
