පසුගිය කාලයේ විවිධ ගිවිසුම්වලට එළැඹී පුනර්ජනනීය බලශක්ති ව්යාපෘති පිළිබඳ සමාලෝචනයකට කමිටුවක් පත් කළ බව බලශක්ති අමාත්යාංශය පවසනවා.
එහි ලේකම් මහාචාර්ය උදයංග හේමපාල මහතා සඳහන් කළේ, මේ යටතේ මන්නාරම සුළං විදුලි ව්යාපෘතිය ඇතුළු සුළං හා සූර්ය බල ව්යාපෘති 40කට ආසන්න සංඛ්යාවක් පිළිබඳ සමාලෝචනය කරන බවය.
මෙගාවොට් 5 සිට 100 දක්වා විදුලිය උත්පානය කිරීමට මෙම ව්යාපෘතිවලින් අපේක්ෂිත බවද ලේකම්වරයා පැවසුවා.
ඔහු පැවසුවේ , මෙම ව්යාපෘතිවලට ගිවිසුම්ගත වීමේදී රටට අවාසිදායක කොන්දේසි කිහිපයක් යටතේ එකඟතාවයන්ට එළඹ ඇති බවය.
ඇතැම් ව්යාපෘති සඳහා ඉඩම් තෝරා ගැනීමේදී එම ඉඩම් කෘෂිකාර්මික කටයුතු සඳහා යෙදවීමෙන් ඊට වඩා ඵලදායී ලෙස ඒවා භාවිත කිරීමට හැකියාව ලැබෙන බව පෙනී ගොස් ඇති බවද මහාචාර්ය උදයංග හේමපාල මහතා ප්රකාශ කළා.
ඔහු පැවසුවේ අදාළ කමිටුව හරහා එම ව්යාපෘතිවලින් විදුලිය මිලදී ගැනීමේදී එක් ඒකකයක් වෙනු වෙන් වැය කරන මුදල මෙන්ම ව්යාපෘතියෙන් ලැබෙන ආර්ථික ප්රයෝජන පිළිබඳව ද සලකා බැලෙනු ඇත.
