අමෙරිකා එක්සත් ජනපදය මඟින් පනවා ඇති තීරුබදු ප්රතිපත්තිය ශ්රී ලංකාවේ ආර්ථික අනාගතයට ඉතාමත් අසුබවාදී බලපෑමක් සිදු කරනු ඇති බව පේරාදෙණිය විශ්වවිද්යාලයේ ආර්ථික විද්යා අධ්යයන අංශයේ මහාචාර්ය වසන්ත අතුකෝරල පවසනවා.
මෙරට අපනයනවලින් 25% ක වැඩි ප්රමාණයක් සිදු කරන්නේ අමෙරිකා එක්සත් ජනපදයට බවත් මෙරට ඇඟලුම් කර්මාන්තය බොහෝ දුරට රඳා පවතින්නේ අමෙරිකාවට සිදුකරන අපනයන මත බවයි මාධ්ය වෙත අදහස් දක්වමින් ඔහු සඳහන් කළේ.
එමනිසා මෙම තත්ත්වය ලංකාවේ අපනයන ආදායම පහළ යාමට බලපානු ඇති බවත් දේශීය කර්මාන්ත ශාලා බිඳ වැටීම සඳහාත් මෙය බලපානු ඇති බවද මහාචාර්යවරයා සඳහන් කළා.
අපනයන සිදු කරගැනීමට නොහැකි වුවහොත් කර්මාන්ත ශාලා වැසී යා හැකි බවත් මේ හේතුවෙන් සැලකිය යුතු ලෙස රැකියා අහිමිවීමේ අවධානමක්ද පවතින බවයි මහාචාර්ය වසන්ත අතුකෝරල වැඩිදුරටත් ප්රකාශ කළේ.
