සමගි ජන බලවේගයේ හිටපු පාර්ලිමේන්තු මන්ත්රීවරයකු වන සුජීව සේනසිංහගේ නිවෙසක් පොලිසිය විසින් පරික්ෂාවට ලක්කර ඇති බව වාර්තා වේ.මෙලෙස පරික්ෂාවට ලක්කර ඇත්තේ, සුජීව සේනසිංහට අයත් කොල්ලුපිටියේ මල් පාරේ නිවෙසකි.
මෝටර් රථයක් සහ තවත් නීතිවිරෝධී භාණ්ඩ පිළිබඳව ලද තොරතුරු මත වලාන දුෂණ මර්දන ඒකකය විසින් මෙම පරික්ෂාව සිදුකර ඇතැයි වාර්තා වේ.අධිකරණයෙන් ලබාගත් සෝදිසි වරෙන්තුවක් මත මෙම පරික්ෂාව සිදුකර ඇති අතර, එම අවස්ථාවේදී සුජීව සේනසිංහ නිවෙසේ සිට නැත.කෙසේවෙතත් තමා නිවෙසේ නොසිටි අවස්ථාවේ කිසියම් පිරිසක් සිය නිවෙස සෝදිසි කර ඇති බව පවසමින් සුජීව සේනසිංහ කුරුඳුවත්ත පොලිසියට පැමිණිල්ලක් ඉදිරිපත් කර ඇති බවද වාර්තා වේ.
