නේපාලයේ දූෂණ විරෝධී විරෝධතා උත්සන්න වීමත් සමඟ විරෝධතාකරුවන් විසින් එරට පාර්ලිමේන්තු ගොඩනැගිල්ලකට ගිනි තබා ඇති බව විදෙස් මාධ්ය වාර්තා කරයි.
මෙම සිද්ධිය වාර්තා වූයේ, මීට සුළු මොහොතකට පෙර අගමැති කේ.පී. ෂර්මා ඔලි සිය ධුරයෙන් ඉල්ලා අස්වීමෙන් පසුවයි. සමාජ මාධ්ය තහනමකට එරෙහිව ආරම්භ වූ විරෝධතා, දූෂණයට එරෙහි උද්ඝෝෂණ දක්වා වර්ධනය වීම හමුවේ ඔහුට මෙම තීරණය ගැනීමට සිදුවිය.
අගමැතිවරයාගේ ඉල්ලා අස්වීමෙන් පසුව පවා නොසන්සුන්කාරී තත්ත්වය දිගටම පවතින බව පෙනී යන්නේ, භක්තපූර්, බෝල්කොට් හි පිහිටි ඔහුගේ පෞද්ගලික නිවසටද විරෝධතාකරුවන් විසින් ගිනි තබා ඇති බවට වාර්තා වීමත් සමඟයි.
පවතින තත්ත්වය මත රට තුළ දේශපාලන අස්ථාවරත්වය තවදුරටත් වර්ධනය විය හැකි බව දේශපාලන විශ්ලේෂකයෝ පෙන්වා දෙති.
