කොළඹ කොටස් වෙළෙඳපොළේ ප්රධාන කාර්ය සාධනය මනින දර්ශකය වන සර්ව කොටස් මිල දර්ශකය (ASPI) අද (ඔක්තෝබර් 03) පෙරවරුවේදී ඒකක 22,000 ක සන්ධිස්ථානය පසු කරමින් නව ඉතිහාසයක් නිර්මාණය කළේය.
දෛනික ගනුදෙනු සැසියක් අතරතුරදී මෙම සීමාව ඉක්මවා ගිය ඉතිහාසයේ පළමු අවස්ථාව මෙය ලෙස සටහන් වේ.
අද පෙරවරු 09:35 පමණ වන විට, සර්ව කොටස් මිල දර්ශකය ඒකක 22,017.56 ක් දක්වා ඉහළ ගොස් තිබුණි. කොටස් වෙළෙඳපොළේ මෙම වාර්තාගත වර්ධනය දේශීය ආයෝජකයින්ගේ විශ්වාසය තවදුරටත් තහවුරු කරන්නක් බව වෙළෙඳපොළ විශ්ලේෂකයෝ පෙන්වා දෙති.
කොළඹ කොටස් වෙළෙඳපොළේ සමස්ත ක්රියාකාරිත්වයේ ශක්තිමත් බව පෙන්නුම් කරන මෙම වර්ධනය, ආර්ථිකයේ යථා තත්ත්වයට පත්වීම පිළිබඳව යහපත් අපේක්ෂාවක් ගොඩනංවා ඇත.
