සජිත්, මහින්ද, රනිල් එකතු වෙන බවට පැතිර යන කතා අමූලික පට්ටපල් බොරු බව සමගි ජන බලවේග නායක, විපක්ෂ නායක සජිත් ප්රේමදාස පවසයි.
සමගි ජන බලවේගය මෙවර පළාත් පාලන මැතිවරණයේ විශිෂ්ට ජයක් ලැබීම වැළැක්වීමට බංකොලොත් දේශපාලන පක්ෂ එකට එකතු වී ව්යාජ පුවත් ජනගත කරමින් සිටින බව විපක්ෂ නායකවරයා පැවසීය.
එවැනි ප්රචාරණයන් අමූලික බොරු බව ත් සමගි ජන බලවේගය එවැනි කිසිවකු සමඟ එකතු නොවන බව ත් බොරු ප්රචාරණයන්ට හසු නොවන ලෙස ඔහු සඳහන් කළේ ය.
සමගි ජන බලවේගය ප්රථම වතාවට පළාත් පාලන මැතිවරණයකට තරග කරන නිසා ඇතැම් අය මෙවැනි ප්රවෘත්ති මවන බව විපක්ෂ නායකවරයා චෝදනා කළේය.
බොරුවට, මුසාවට හා මංමුළාවට වැඩි ආයුෂ නැති බවත් පොදුජනවාදී අලුත් ගමනක හැරවුම් ලක්ෂ්යය පළාත් පාලන මැතිවරණයේදී සමගි ජන බලවේගයේ ජයග්රහණයෙන් සිදුවනු ඇති බව ඔහු කීවේය.
ඉදිරි පළාත් පාලන මැතිවරණය වෙනුවෙන් පුත්තලමේ පැවති ජන හමුවකදී සජිත් ප්රේමදාස මහතා මේ බව පැවසුවේය.
එසේ ම, උත්සව සමයක කඩිමුඩියේ මැතිවරණය තියන්නේ රජයට ඇති අප්රසාදය එන්න එන්නම වැඩි වෙන නිසා බව ඔහු කීය.
මේ අලුත් අවුරුදු සමය තුළ ධාතුන් වහන්සේ ප්රදර්ශන, පාස්කු දිනය, රාමසාන් සමය හා වෙසක් උත්සවය තිබියදී මේ අය මැතිවරණයක් තියන බව ත් එයට හේතුව රජයට ඇති අප්රසාදය වැඩි වීම බව ත් ඔහු වැඩිදුරටත් පැවසීය.
