ඊශ්රායලය ආරක්ෂක මණ්ඩලය විසින් ගාසා නගරයේ පාලනය අත්පත් කර ගැනීමේ සැලැස්මක් අනුමත කිරීමත් සමග එරට ටෙල් අවිව්හි විරෝධතා රැසක් ආරම්භ වී ඇති බව විදෙස් මාධ්ය වාර්තා කර තිබේ.
විරෝධතාකරුවන් ඊශ්රායල අග්රාමාත්ය බෙන්ජමින් නෙතන්යාහුගේ නිවස අසලට රැස්ව ඇති අතර මාධ්ය වාර්තා කරන්නේ ප්රාණ ඇපකරුවන්ගේ පවුල්ද නියෝජනය කරමින් විරෝධතා කරුවන් 100,000කට ආසන්න ප්රමාණයක් මේවන විටත් සහභාගී වී ඇති බවයි.
ඔවූහූ ඊශ්රායල රජයට විරෝධය දක්වමින් සඳහන් කර ඇත්තේ වහාම යුද ගැටුම් නතර කරන ලෙසයි.
මෙම විරෝතාවට එක්වූවන් විසින් පලස්තීනයේ රඳවා සිටින ඊශ්රායල ප්රාණ ඇපකරුවන්ගේ ඡායාරූපද ඔසවා සිය විරෝධතාව ප්රකාශය කර තිබේ.
ගාසා තීරයේ යුද්ධය පුළුල් කිරීමට ඊශ්රායලය ගත් තීරණය එක්සත් ජාතීන්ගේ සංවිධානයෙන් සහ එක්සත් රාජධානිය, ප්රංශය සහ කැනඩාව ඇතුළු රටවල් කිහිපයකින් හෙළා දැකීමට හේතු වූ අතර, ජර්මනිය ඊශ්රායලයට හමුදා අපනයන නතර කිරීමට හේතු වී ඇත.
