ශ්රී ලංකාවේ ප්රජාතන්ත්රවාදය තවදුරටත් තහවුරු කරමින් පසුගිය ජනාධිපතිවරණය සහ පශ්චාත් ජනාධිපතිවරණ සමය ඉතා සාමකාමී අන්දමින් පවත්වා ගැනීම පිළිබඳව අමෙරිකානු ජනාධිපති ජෝ බයිඩන් මහතා සිය ප්රසාදය පළ කර තිබෙනවා.
එක්සත් ජනපදය සහ ශ්රී ලංකාව අතර පවතින දීර්ඝ කාලීන සබඳතා සිහිපත් කරමින් සමස්ත අමෙරිකානු ජනතාව වෙනුවෙන් ජනාධිපති අනුර කුමාර දිසානායක මහතා වෙත සුබපැතුම් එක් කරමින් ජෝ බයිඩන් මහතා මේ බව පවසා ඇති බව ජනාධිපති මාධ්ය අංශය පවසයි.
අමෙරිකානු ජනාධිපති බයිඩන් මහතා සිය සුබ පැතුම් පණිවුඩයෙහි මෙසේ සඳහන් කර තිබෙනවා.
“මෙම මැතිවරණය ශ්රී ලංකාවේ ප්රජාතන්ත්රවාදී ආයතනවල ශක්තිය සහ ප්රජාතන්ත්රවාදයේ පදනම වන සාමකාමී නිදහස් හා සාධාරණ මැතිවරණයක් තුළින් ඔවුන්ගේ අනාගතය හැඩගස්වා ගැනීම සඳහා ජනතාව තුළ වන කැපවීම ඉස්මතු කෙරේ.”
