රඹුක්කන පොලිස් වසමේ තිස්මල්පොල දුම්රිය ස්ථානයේ සිදුවූ අනතුරකින් 14 හැවිරිදි දරුවෙකු ජීවිතක්ෂයට පත්ව ඇත.
පොලීසිය සඳහන් කළේ, මියගිය දරුවා මැදගම ප්රදේශයේ පදිංචිව සිටි අයෙකි. ඔහු මිතුරන් කිහිපදෙනෙකු සමඟ රඹුක්කන සිට කොළඹ කොටුව බලා ධාවනය වූ දුම්රියකින් තිස්මල්පොල දුම්රිය ස්ථානයට පැමිණ ඇති බවයි.
දුම්රියෙන් බැසීමට යන අවස්ථාවේ දී, දරුවා දුම්රිය වේදිකාවට නොව දුම්රිය මාර්ගයට බැස සිටියදී, බදුල්ල සිට කොළඹ කොටුව බලා ගමන් ගත් සීඝ්රගාමී දුම්රියක ගැටීමෙන් අනතුර සිදුව ඇති බව මුල් විමර්ශනවලින් අනාවරණය වී ඇත.
රඹුක්කන පොලීසිය සිද්ධිය සම්බන්ධයෙන් වැඩිදුර විමර්ශන ක්රියාත්මක කරයි.
