අධිකරණ ශාලා තුළ පවතින නඩු ප්රමාදය අවම කිරීමේ අරමුණින් අධිකරණ තුළ වීඩියෝ ඇමතුම් තාක්ෂණ කට්ටල සවිකිරීමේ ක්රමවේදයක් ක්රියාත්මක කර ඇති බව අධිකරණ අමාත්යාංශය පවසයි.
මෙම වැඩසටහන යටතේ දිවයිනේ සියලුම මහේස්ත්රාත් අධිකරණ සහ තෝරාගත් දිසා අධිකරණ වෙත වීඩියෝ ඇමතුම් තාක්ෂණ කට්ටල 100ක් ලබාදීමට නියමිතය.
මෙම තාක්ෂණය මගින් බන්ධනාගාරගත රැඳවූවන්, සාක්ෂිකරුවන් සහ අනෙකුත් පාර්ශ්වකරුවන් දුරස්ථ ක්රමයට අධිකරණය වෙත ඉදිරිපත් කිරීමට හැකිවීම මගින් අධිකරණ කටයුතු වේගවත් කිරීම අපේක්ෂා කෙරේ.
වීඩියෝ ඇමතුම් සඳහා අවශ්ය තාක්ෂණික උපකරණ කට්ටල අධිකරණ ශාලාවක ස්ථාපනය කළ යුතු ආකාරය පිළිබඳ දළ සටහනක් අධිකරණ අමාත්යාංශය විසින් අධිකරණ සේවා කොමිෂන් සභාව වෙත යොමු කර තිබේ.
මෙම වැඩසටහනට සමගාමීව, යුනිසෙෆ් ආයතනය විසින් “Support to Justice Sector” ව්යාපෘතිය යටතේ සියලුම මහාධිකරණ වෙත (අධිකරණ ශාලා 46ක් ආවරණය වන පරිදි) වීඩියෝ ඇමතුම් තාක්ෂණ කට්ටල ලබාදීමට සැලසුම් කරමින් සිටින බව අධිකරණ අමාත්යාංශය විසින් අධිකරණ සේවා කොමිෂන් සභාව වෙත දැනුම් දී ඇත
