මෙරට ක්රියාත්මක නිදහස් සෞඛ්ය සේවාව ඩිජිටල් පරිවර්තනයකට ලක්කිරීම සඳහා මෙහෙයුම් කමිටුවක් පිහිටුවීමට අදාළව විශේෂ සාකච්ඡාවක් පසුගිය දා සෞඛ්ය හා ජනමාධ්ය අමාත්යාංශ ප්රධාන ශ්රවණාගාරයේ දී පැවැත්විණි.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් පැවැති මෙම සාකච්ඡාවේ දී, ඉදිරි වසර දහය (2026- 2035) සඳහා ක්රියාත්මක කිරීමට නියමිත ජාතික සෞඛ්ය ප්රතිපත්තියට සරිලන ආකාරයට ඩිජිටල් පරිවර්තනය ලක්කිරීමේ හැකියාව පිළිබඳවත් ඒ සඳහා අනුගමනය කළ යුතු කෙටිකාලීන සහ දිගුකාලීන ක්රමවේදයන් පිළිබඳවත් පුළුල්ව විමසා බලන ලදි.
ඩිජිටල්කරණය සඳහා උපායමාර්ගික රාමුවක් ස්ථාපිත කිරීම, ඩිජිටල් මාධ්ය හරහා සෞඛ්ය ආරක්ෂණ යටිතල පහසුකම් වැඩිදියුණු කිරීම, ඒ සඳහා ජාත්යන්තර සහාය ඇතිව ප්රධාන ව්යාපෘති (HIQI, HSEP, PHSEP) අනුගත කර ක්රියාත්මක කිරීම පිළිබඳව දීර්ඝ වශයෙන් සැලසුම් සකස් කිරීමට මෙහි දී සාකච්ඡා සිදු විය.
එහිදී අදාළ දත්ත සුරක්ෂිතව ගබඩා කර තබා ගැනීම, මෙම කාර්යය කාර්යක්ෂමව සිදුකිරීම සඳහා අවශ්ය මානව සම්පත් සංවර්ධනය සහ පුහුණුවීම් පිළිබඳව ද අවධානය යොමු කෙරිණි.
මෙම කරුණුවලට අදාළ කෙටුම්පත් සංකල්ප පත්රිකාව සෞඛ්ය හා ජනමාධ්ය අමාත්යාංශයේ නියෝජ්ය අධ්යක්ෂ ජනරාල් විශේෂඥ වෛද්ය අර්ජුන තිලකරත්න මහතා විසින් මෙහි දී ඉදිරිපත් කරනු ලැබීය.
