අමාත්යාංශ සහ දෙපාර්තමේන්තු යටතේ පවතින විවිධ අංශ 5,000කට වැඩි ප්රමාණයක් නිශ්චිත කාර්යභාරයක් ඉටු නොකරන ආයතන බව ආර්ථික සංවර්ධන නියෝජ්ය අමාත්ය අනිල් ජයන්ත මහතා පවසා තිබේ.
මෙම අනවශ්ය ආයතන සම්බන්ධයෙන් විද්වත් කමිටුවක් හරහා සොයා බලා, ඉන් අනතුරුව අදාළ නොවන ආයතන ඉවත් කිරීමට කටයුතු යොදන බව නියෝජ්ය අමාත්යවරයා වැඩිදුරටත් පැවසීය.
රාජ්ය අංශය ඵලදායීව සිදුකරගෙන යෑමට සහ ගෞරවාන්විත රාජ්ය සේවාවක් ලබා දීම රජයේ අරමුණ බව ඔහු පෙන්වා දුන්නේය. මානව අයිතිවාසිකම් පිළිබඳ වූ ආයතන, තිරසර සංවර්ධනය වෙනුවෙන් පිහිට වූ ආයතන ඇතුළු ඒ ඒ මොහොතට අවශ්යව පිහිට වූ විවිධ අංශ මෙම ලැයිස්තුවට ඇතුළත් බව සඳහන් වේ.
නියෝජ්ය අමාත්යවරයා අවධාරණය කළේ, මෙම ආයතන ජනතාවට විශාල බරක්ව පවතින බවයි.
“අපිට ශක්තිමත් හා කාර්යක්ෂම රාජ්ය සේවාවක් අවශ්යයි. දැන් අර්බුද රැසක් පවතිනවා. ඇතැම් ක්ෂේත්රවල ව්යුහාත්මක වෙනස්කම් අවශ්යයි. අපි ඒ ගැන කටයුතු කරමින් ඉන්නවා… මෙරට විවිධ අංශ පන්දහසකට වැඩිය තියෙනවා අමාත්යාංශ සහ දෙපාර්තමේන්තු යටතේ. ඒවාට කාර්යභාරයක් නෑ… මේ ආයතන ජනතාවට විශාල බරක්. අපි මේ තොරතුරු රැස් කරලා විශ්ලේෂණය කරමින් ඉන්නවා ව්යුහාත්මක වෙනස්කම් කර ඉදිරියට යන්න,” යනුවෙන් නියෝජ්ය අමාත්යවරයා වැඩිදුරටත් කියා සිටියේය.
