ගලේවෙල ප්රාදේශීය ලේකම් කොට්ඨාසයේ සූකර උණ යැයි සැකකළ හැකි රෝගය වැළඳී ඌරන් 250 ක් පමණ මියගොස් ඇති බව පශුවෛද්ය නිලධාරී සමන්ත කුමාර සේනාරත්න පවසයි.
පශු වෛද්ය නිලධාරී සමන්ත කුමාර සේනාරත්න ,මෙම සිදුවීම සම්බන්ධයෙන් මෙසේද පවසා ඇත.
“ගලේවෙල ප්රදේශයේ වාසලකෝට්ටේ සහ නිකවැහැර යන ගම්වල පිහිටි ගොවිපළවලදී මියගිය ඌරන්ට වැළඳී ඇත්තේ අභිජනන හා ස්වසන සහ ලක්ෂණ රෝගය බවට සැකකරනවා. මියගිය ඌරන්ට වැළඳී ඇත්තේ කුමන රෝගයක්ද යන්න දැනගන්නට ලබාගත් අදාළ සාම්පල් පේරාදෙණිය පශු විමර්ෂණ අංශයට යවා තිබෙනවා.
තවම එම පරීක්ෂණවල ප්රතිඵල ලැබී නෑ. දැනට ලැබී ඇති තොරතුරු අනුව අප්රිකානු සූකර උණ වැළඳුන ඌරන් ගැන වාර්තා වී නෑ. මෙම රෝගය සම්බන්ධයෙන් වට්ස්ඇප් හා දුරකථන මාර්ගයෙන් ගොවීන් දැනුවත් කර තිබෙනවා. රෝගය පැතිරයෑම වළක්වා ගැනීමට ඌරන්ට එන්නත් කිරීම සිදුකරනවා. නමුත් එම එන්නත් කිරීම 100%ක් සාර්ථක නෑ. රෝගය පැතිර යෑම වළක්වා ගැනීමට ජෛව ආරක්ෂණ ක්රම අනුගමනය කිරීමට ඌරු ගොවිපළවල් හිමියන්ට උපදෙස් ලබා දී තිබෙනවා. ඊට අමතරව ප්රාදේශීය සභාව විසින්ද ඔවුන් දැනුවත් කිරීමට පියවර ගෙන තිබෙනවා. මේ අතර සත්ත්ව නිෂ්පාදන හා සෞඛ්ය දෙපාර්තමේන්තුව විසින් නිකුත් කර ඇති ගැසට් පත්රය මගින් ඌරු මස් අලෙවිය හා ප්රවාහනය තහනම් කර තිබෙනවා.”
