මෙම වසරේ 2024 ජනවාරි 01 වන දිනෙන් පසුව නිකුත් කර ඇති සුරා බදු බලපත්ර පිළිබඳ සියලු විස්තර ඇතුළත් සම්පූර්ණ වාර්තාවක් ඊයේ (4) සභා නායක අමාත්ය බිමල් රත්නායක පාර්ලිමේන්තුවට ඉදිරිපත් කළේය.
එම සියලු බලපත්ර රනිල් වික්රමසිංහ රජය විසින් ලබා දී ඇති බව ද නැවත දැනුම් දෙන තුරු කිසිදු සුරාබදු බලපත්රයක් නිකුත් නොකරන ලෙස ජනාධිපති අනුර කුමාර දිසානායක නියෝගයක් නිකුත් කර ඇති බව ද සභා නායකවරයා පැවසීය.
මෙම කාල සීමාව තුළ බස්නාහිර පළාතේ මුළු බලපත්ර 110ක්ද, දකුණ පළාතේ 48කුත්, උතුරු පළාතේ 32කුත්, නැගෙනහිර පළාතේ 22කුත්, මධ්යම පළාතේ 45කුත්, උතුරුමැද පළාතේ 14කුත්, වයඹ පළාතේ 30කුත්, ඌව පළාතේ 30කුත්, සබරගමුව පළාතේ 30කුත් වශයෙන් සමස්ත බලපත්ර 361ක් මෙම කාලය තුළ දී ලබා දී ඇති බව ද සභා නායකවරයා පැවසීය.
වයින් ස්ටෝර්ස් යන වර්ගයට අයත් බලපත්ර මෙම කාලය තුළදී 172ක් ලබා දී ඇති බව ද බිමල් රත්නායක අමාත්යවරයා කීය.
මන්ත්රිවරුන්ගේ නම් බාර් කුමාර් ලෙස වෙනස් වූයේ, මෙම බලපත්ර වර්ගය නිසා යැයිද සභා නායකවරයා පැවැසූ අතර අදාළ බලපත්ර ලබාගත් පුද්ගල නාම ලේඛනය ද පාර්ලිමේන්තුවේ සභාගත කිරීමට සභා නායකවරයා කටයුතු කළේය.
