ඇෆ්ගනිස්ථානය සහ පාකිස්ථානය අතර උග්ර වී ඇති දේශසීමා ගැටලු විසඳා ගැනීම සම්බන්ධයෙන් සාකච්ඡා කිරීම සඳහා දෙරටේ නියෝජිතයින් කටාර්හි දෝහා අගනුවර වෙත පිටත්ව ගොස් තිබේ.
වසර ගණනාවක් පුරා පැවති මෙම දේශසීමා අර්බුදය මෑතකදී ගැටුම්කාරී වාතාවරණයක් දක්වා වර්ධනය වී ඇති අතර, ගත වූ දින කිහිපය තුළ සිදු වූ ප්රහාරවලින් දෙරටේම සිවිල් වැසියන් ඇතුළු පුද්ගලයින් ගණනාවක් මිය ගොස් ඇත.
පවතින තත්ත්වය සමථයකට පත් කර ගැනීම අරමුණු කරගනිමින්, ඇෆ්ගනිස්ථානයේ තලෙයිබාන් රජය විසින් එරට ආරක්ෂක අමාත්යවරයාගේ ප්රධානත්වයෙන් යුත් නියෝජිත පිරිසක් දෝහා වෙත පිටත්කර යවා තිබේ. පාකිස්ථාන රජයේ නියෝජිත පිරිසක් ද මෙම සාකච්ඡා සඳහා දෝහා නගරය වෙත පැමිණීමට නියමිත බව විදෙස් මාධ්ය වාර්තා කරයි.
ගත වූ සතියේ ආරම්භ වූ මෙම ගැටුම්කාරී තත්ත්වය හමුවේ පැය 48ක සටන් විරාමයක් ප්රකාශයට පත්කර තිබුණ ද, එම කාලසීමාව තුළදී ද දෙපාර්ශවය අතර වෙඩි හුවමාරු වීම් වාර්තා වී තිබුණි.
දෝහා සාකච්ඡා මගින් දේශසීමාවේ ආතතිය සමනය කිරීමට සහ දීර්ඝකාලීන විසඳුමක් ලබා ගැනීමට හැකි වනු ඇතැයි අපේක්ෂා කෙරේ.
