ෆයිසර් මුස්තාපා ජාතික ලැයිස්තු මන්ත්රී ධූරයක් සඳහා ඉදිරිපත් කිරීම සම්බන්ධයෙන් නව ප්රජාතන්ත්රවාදී පෙරමුණ තුළ තවත් මතභේදයක් මතුව ඇතැයි වාර්තා වේ.
ඒ, ඔවුන්ගෙන් විමසීමකින් තොරව මෙම තීරණය ගෙන ඇති බවට ඒකාබද්ධයේ හවුල්කාර පාර්ශ්ව චෝදනා කිරීමත් සමගයි.
ඒ සම්බන්ධයෙ ජනමාධ්ය කළ විමසීමකදී හිටපු පාර්ලිමේන්තු මන්ත්රී රමේෂ් පතිරණ පවසා ඇත්තේ ඉතිරි ජාතික ලැයිස්තු මන්ත්රී ධුරය සඳහා හිටපු අමාත්ය කංචන විජේසේකර පත්කිරීමට ඒකමතික එකඟතාව පළ වූ බවයි.
කෙසේවෙතත්, නව ප්රජාතන්ත්රවාදී පෙරමුණේ ප්රධාන හවුල්කරුවෙකු වන ශ්රී ලංකා නිදහස් පක්ෂය එම තනතුර සඳහා ෆයිසර් මුස්තාපාගේ නම යෝජනා කර තිබිණි.
ඉකුත් මහමැතිවරණයේදී ‘ගෑස් සිලින්ඩරය’ ලකුණින් තරග කළ නව ප්රජාතන්ත්රවාදී පෙරමුණ පක්ෂයට ජාතික ලැයිස්තු මන්ත්රී ධුර දෙකක් හිමිවිය.
අනෙක් ජාතික ලැයිස්තු මන්ත්රී අසුන එක්සත් ජාතික පක්ෂයේ හිටපු අමාත්ය රවී කරුණානායකට ලබා දී තිබුණේද ආන්දෝලනාත්මක තත්ත්වයන් යටතේයි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
