මධ්යම කඳුකරයේ බටහිර බැවුම් ප්රදේශවලට පවතින වැසි තත්ත්වයන් හේතුවෙන් බගවන්තලාව ආරියපුර ප්රදේශයේ නිවසකට ඊයේ (ඔක්තෝබර් 19) රාත්රියේදී පැති බැම්මක් කඩා වැටීමෙන් එම නිවසට සුළු වශයෙන් හානි සිදුව ඇත.
නුවරඑළිය දිස්ත්රික් ආපදා කළමනාකරණ ඒකකයේ නිලධාරියෙකු මේ පිළිබඳව අදහස් දක්වමින් පැවසුවේ, පවතින වැසි තත්ත්වය හේතුවෙන් මෙලෙස නිවසක බිත්තියක් මතට පැති බැම්මක් කඩා වැටීම සිදුව ඇති බවත්, එම බැම්ම කඩා වැටීමෙන් නිවසේ වහලයට හා බිත්තියකට හානි සිදුව ඇති බවත්ය.
කෙසේ වෙතත්, මෙම සිද්ධියෙන් එම නිවසේ කිසිවකුටත් හානි සිදුව නොමැති බවද, සිද්ධිය පිළිබඳව සොයා බලා අවශ්ය කටයුතු කිරීම සඳහා පියවර ගනිමින් සිටින බවද එම නිලධාරියා වැඩිදුරටත් සඳහන් කළේය.
