මඩොල්සිම, පස්සර මාර්ගයේ මාළිගාතැන්න දෙසට දිවෙන අතුරු මාර්ගයකදී ට්රැක්ටරයක් මාර්ගයෙන් ඉවතට පැන පෙරළී යාමෙන් සිදු වූ අනතුරකින් එහි රියදුරු ජීවිතක්ෂයට පත්ව තිබේ.
ඊයේ (16) උදෑසන මෙම අනතුර සිදුව ඇත්තේ අදාළ මාර්ගයේ පවතින බෑවුම් සහිත ස්ථානයකදී වන අතර, අනතුරෙන් බරපතළ තුවාල ලැබූ රියදුරු බදුල්ල ශික්ෂණ රෝහලට ඇතුළත් කිරීමෙන් අනතුරුව මියගොස් ඇත.
මෙලෙස අවාසනාවන්ත ලෙස මියගොස් ඇත්තේ මඩොල්සිම, වැරැල්ලපතන ප්රදේශයේ පදිංචි 43 හැවිරිදි පුද්ගලයෙකි. සිද්ධිය සම්බන්ධයෙන් මඩොල්සිම පොලිසිය වැඩිදුර පරීක්ෂණ පවත්වනු ලබයි.
