විදේශ කටයුතු අමාත්ය විජිත හේරත් මහතා අද (31) පෙරවරුවේ බංග්ලාදේශයේ ඩකා නුවර බලා දිවයිනෙන් පිටත්ව ගියේය. බංග්ලාදේශයේ හිටපු අගමැතිනියක වූ ඛලීඩා සියා මහත්මියගේ අවමංගල්ය උත්සවයට ශ්රී ලංකා රජය නියෝජනය කරමින් සහභාගී වීම මෙම සංචාරයේ ප්රධාන අරමුණයි.
බංග්ලාදේශ දේශපාලනයේ සුවිශේෂී සලකුණක් තැබූ ඛලීඩා සියා මහත්මියගේ අභාවය වෙනුවෙන් ශ්රී ලංකාවේ ශෝකය සහ සහයෝගීතාවය ප්රකාශ කිරීමට අමාත්යවරයා එහිදී කටයුතු කිරීමට නියමිතය. කලාපීය මිත්ර රාජ්යයක් ලෙස බංග්ලාදේශය සමඟ පවතින රාජ්යතාන්ත්රික සබඳතා තහවුරු කරමින් මෙම නිල සංචාරය සිදුකෙරේ.
ඩකා නුවරදී පැවැත්වෙන අවමංගල්ය උත්සවයෙන් අනතුරුව අමාත්ය විජිත හේරත් මහතා බංග්ලාදේශ රජයේ ඉහළ පෙළේ නියෝජිතයින් කිහිපදෙනෙකු ද මුණගැසී ද්විපාර්ශ්වික කරුණු පිළිබඳව සාකච්ඡා කරනු ඇතැයි අපේක්ෂා කෙරේ. හදිසි නිල සංචාරය නිමවා අමාත්යවරයා කෙටි කලකින් යළි දිවයිනට පැමිණීමට නියමිතය.
