අල්ලස් හෝ දූෂණ විමර්ශන කොමිෂන් සභාව විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදා හරින ලෙස ඉල්ලා හිටපු අමාත්ය මනුෂ නානායක්කාර මහතා විසින් ඉදිරිපත් කළ ඉල්ලීම කොළඹ මහේස්ත්රාත් අධිකරණය විසින් නිෂ්ප්රභ කර තිබේ.
අද (ඔක්තෝබර් 14) දින අදාළ නඩුව කැඳවූ අවස්ථාවේදී කොළඹ ප්රධාන මහේස්ත්රාත් අසංක එස්. බෝදරගම මහතා විසින් මෙම නියෝගය ලබා දී ඇත.
කෙසේ වෙතත්, මනුෂ නානායක්කාර මහතා හෙට (ඔක්තෝබර් 15) දින අල්ලස් කොමිසම හමුවේ පෙනී සිට ප්රකාශයක් ලබා දෙන බව ඔහුගේ නීතිඥවරයා අධිකරණයට දැනුම් දුන්නේය.
ඉකුත් රජය සමයේ කෘෂිකාර්මික රැකියා සඳහා ඊශ්රායලයට සේවකයන් යැවීමේදී අක්රමිකතාවක් සිදු වී ඇතැයි සඳහන් කරමින් අල්ලස් කොමිසම විමර්ශනයක් සිදු කරන බවත්, එම විමර්ශනය හේතුවෙන් තමන්ව අත්අඩංගුවට ගැනීමේ අවදානමක් පවතින බවත් හිටපු අමාත්යවරයා සිය අපේක්ෂිත ඇප පෙත්සමේ සඳහන් කර තිබිණි.
