ආරක්ෂක නියෝජ්ය අමාත්ය විශ්රාමික මේජර් ජනරාල් අරුණ ජයසේකරට එරෙහිව විපක්ෂය ගෙනා විශ්වාසභංග යෝජනාව පිළිබඳව, කථානායකගේ තීරණය හෙට පාර්ලිමේන්තුවේදී එලිදක්වීමට නියමිත බව මාධ්යයට දන්වා තිබේ.
කෙසේ වෙතත්, මෙය පක්ෂ නායක රැස්වීම් හෝ කටයුතු සභා සාකච්ඡාවකින් තොරව සිදු වුවහොත්, එය පාර්ලිමේන්තු සම්ප්රදායන්ට පහරදීමක් බව විපක්ෂ නායකයින් පවසයි.
හෙට දිනයේදී කථානායකවරයා පාර්ලිමේන්තු සම්ප්රදායන්ට ගරු නොකරමින් හිතුවක්කාරී තීරණයකට යන්නේ නම්, ඔහුට විශ්වාස භංග යෝජනාවක් ගෙන එන්නටද විපක්ෂ නායකයින් සූදානම් බව සමගි ජන බලවේගයේ ජ්යෙෂ්ඨ ප්රකාශකයෙකු අවධාරණය කළේය.
