මෙම වසර අවසන් වන විට ශ්රී ලංකාවේ අපනයන ආදායම ඩොලර් බිලියන 18 දක්වා ඉහළ නැංවීමට රජය අපේක්ෂා කරන බව ශ්රී ලංකා අපනයන ණය රක්ෂණ සංස්ථාවේ සභාපති මහාචාර්ය අරුණ ශාන්තආරච්චි මහතා ප්රකාශ කළේය.
ඊයේ (සැප්තැම්බර් 22) රජයේ ප්රවෘත්ති දෙපාර්තමේන්තුවේ පැවති මාධ්ය හමුවකට එක්වෙමින් ඒ මහතා මේ බව පැවසීය.
මහාචාර්ය ශාන්තආරච්චි මහතා වැඩිදුරටත් සඳහන් කළේ, අපනයන ආදායම ඉහළ නැංවීමට අමතරව, විදේශ ආයෝජන ප්රමාණය ඉහළ නැංවීම ද රජයේ ප්රධාන ඉලක්කයක් බවයි. මෙම ඉලක්ක සපුරා ගැනීම සඳහා විවිධ වැඩසටහන් ක්රියාත්මක කිරීමට රජය සැලසුම් කර ඇති බව ද ඔහු පැහැදිලි කළේය.
