විදේශ රැකියාවලට පිටත්ව යන විගමනික ශ්රමිකයන් වෙනුවෙන් රජයේ නව වැඩපිළිවෙලක් යටතේ සහනදායි මිලට ගුවන් ටිකට්පත් නිකුත් කිරීමේ කවුළුවක් නාරාහේන්පිට පිහිටි ශ්රී ලංකා විදේශ රැකියා ආයතනයේ දී විවෘත කර තිබේ.
මෙම කවුළුව ඊයේ (ඔක්තෝබර් 16) දින විදේශ කටයුතු හා විදේශ රැකියා නියෝජ්ය අමාත්ය අරුන් හේමචන්ද්ර මහතාගේ ප්රධානත්වයෙන් විවෘත කර ඇත.
නව වැඩසටහන යටතේ, සාමාන්ය වෙළෙඳපොළේ පවතින මිලට වඩා අඩු මිලට ගුවන් ටිකට්පත් නිකුත් කිරීම සිදු කෙරේ. ලොව ඕනෑම රටක විදේශ රැකියා සඳහා පිටත්ව යන සියලුම ශ්රමිකයන්ට මෙම කවුළුවෙන් සහන මිලට ගුවන් ටිකට්පත් මිලදී ගැනීමේ අවස්ථාව හිමිවේ.
මෙම අවස්ථාවට විදේශ රැකියා අමාත්යාංශයේ අතිරේක ලේකම් ආචාර්ය බී.එස් යාලේගම, ශ්රී ලංකා විදේශ සේවා නියුක්ති කාර්යාංශයේ සභාපති කෝශල වික්රමසිංහ, ශ්රී ලංකා විදේශ රැකියා ඒජන්සි ආයතනයේ සභාපති ලාල් හෙට්ටිආරච්චි ඇතුළු ආයතන ප්රධානීන් සහ නිලධාරීන් රැසක් එක්වී සිටියහ.
