පසුගිය පැය 24 තුළ වැඩිම වර්ෂාපතනය නිල්වලා ගඟ ආශ්රිතව අකුරැස්ස ප්රදේශයට ඇද හැලී ඇති බව වාරිමාර්ග දෙපාර්තමේන්තුවේ අධ්යක්ෂ (ජල විද්යා හා ආපදා කළමනාකරණ) ඉංජිනේරු එල්. එස්. සූරියබණ්ඩාර මහතා පැවසීය.
අද (දෙසැම්බර් 05) පෙරවරුවේ නිවේදනයක් නිකුත් කරමින් ඔහු පවසා සිටියේ, අකුරැස්ස ප්රදේශයට මිලිමීටර් 125කට ආසන්න වැස්සක් ඇද හැලී ඇති බවයි.
දැනට පවතින තත්ත්වය:
වර්ෂාපතනය: අනෙකුත් බොහෝ ප්රදේශවලට සාමාන්ය වර්ෂාපතනයක් ඇද හැලී ඇත.
ගංගා මට්ටම: ගංගාවල ජල මට්ටමේ ලොකු වැඩිවීමක් නොමැත.
වැව් පද්ධතිය: වැව් පද්ධතියේ අනතුරුදායක වාන් දමන තත්ත්වයක් නොමැති අතර, බොහෝ වැව් වාන් මට්ටමේ හෝ සාමාන්ය ප්රමාණයකින් වාන් දමමින් පවතී.
අනාගත අනතුරු ඇඟවීම්:
වර්ෂාපතනය වැඩිවීමේ පුරෝකථනයක් තිබෙන බැවින්, ඉදිරියේදී වර්ෂාව ලැබීම අනුව ගංගාවල මිනුම් මධ්යස්ථාන දත්ත සලකා බලා ජනතාව දැනුවත් කරන බව ඒ මහතා වැඩිදුරටත් සඳහන් කළේය.
ජනතාව කලබල වීමෙන් වළකින ලෙසත්, විධිමත් නිවේදන හැර කටකතා සම්බන්ධයෙන් සැලකිලිමත් වන ලෙසත් ඔහු ඉල්ලා සිටියේය.
